Hăng anăn “Hoa Đà Lạt-Bản giao hưởng sắc màu”, Festival bơnga Đà Lạt tal 10-thun 2024 amra pơphun dong mơng lơ 4/12 truh abih lơ 31/12/2024, hăng 10 jơlan hơdră phun hăng 12 jơlan hơdră mut hrŏm. Amăng anun, rơngiao kơ 2 jơlan hơdră pok pơphun hăng pơđut hĭ pơmut hrŏm hăng ngui adôh suang čơkă thun phrâo 2025, Festival bơnga Đà Lạt tal 10 amra kơđŏm glăi anih hyu lăng bơnga hiam dưm jum dar dơnao Xuân Hương hăng hơdôm ară jơlan amăng plơi prong Đà Lạt, hơmâo jơlan tơpai Vang-če-kơphê hăng gơnam phara ƀơi Đà Lạt, sang čơ sĭ añăm tam-bơnga, jơlan hơdră ngui adôh suang jar kmar Đà Lạt-Hàn Quốc, Carnaval jơlan bơnga hăng gru grua….

Festival bơnga Đà Lạt tal anai tŏ tui pơtong sit Đà Lạt lĕ plơi prong Festival bơnga mơng Việt Nam, plơi prong pơčeh phrâo amăng tơlơi adôh suang mơng UNESCO hăng plơi prong gah “Grup 5 boh plơi prong Festival mơ-ak hloh kual Asia”.