Ră anai, abih bang jơlan hơdră lêng kơ pok pơhai klă hiam, pioh bơwih brơi djơ̆ brơi tuai hyu ngui ĕp lăng. Hăng akŏ ñu : “Đà Lạt-plơi prong pă bơyan bơnga”, Festival bơnga Đà Lạt tal 9 thun 2022 pơphun mơ̆ng blan 11 truh blan 12 hăng anih pơdă bơnga, pơpha bruă pơhrôp djop mơtam, truh pơ tơring glông, plơi prong amăng tơring čar.

Hrom hăng 9 hơdră phun, amăng anun pok pơhai hơdră ngă mơ̆ng kơnuk kơna pơtrun, ngă tui Hră pơtrun mrô 23 lơ 6/10/2022 mơ̆ng Ding jum kơđi čar kơ anăp pơđĭ kyar bơwih ƀong huă  mơnuih mơnam, pơgang tơlơi rơnuk rơnua dêh čar, pơgang rơnuk rơnua kual Dap Kơdư truh thun 2030, lăng nao pơ anăp adih truh thun 2045 hăng pơphun tuh pơ alin kơ kual Dap Kơdư….Festival bơnga Đà Lạt tal anai hơmâo lu bruă mă čơkă tuai hyu ngui, ĕp lăng mơak čuă anih lăi jơlan mơñum ia če-kơphê-tơpai vang (boh krăk ƀâo); tơlơi ngui ngor đĭ kơdung blôm prong ; čuă sang čơ añăm pơtam hăng bơnga; Carnaval jơlan plơi prong; Đà Lạt-Tuai čuă ngui nao ĕp plơi bơnga, jơnum pơčrông sai, bơkơtuai boh thâo ia rơgơi, pơdă rup, gơnam tam sang čơ sĭ mơdrô jar kmar.