VOV4.Jarai-Tlam lơ 19/9, ƀing pơ ala mơnuih ƀôn sang tơring čar Gia Lai jơnum lok tơjuh, pơphun plĕ hră ruah khua Jơnum min mơnuih ƀôn sang tơring čar. Pơ anai, ơi Trương Hải Long Kơ-iăng Khua git gai ping gah tơring čar Gia Lai hơmâo 67/68 čô khua pơ ala ruah ngă khua tơring čar Gia Lai rơwang thun 2021-2026. Ơi Trương Hải Long, tơkeng thun 1976, plơi pla phun ñu Yên Trung, tơring glông Yên Phong, tơring čar Bắc Ninh, mut ping gah thun 2004, hrăm sang hră gưl prong Đại học Khoa học Xã hội và Nhân văn, Sang hră Đaị học Ngoại ngữ ( Đaị học Quốc gia Hà Nội); hrăm truh thạc sĩ Luật hăng kơđi čar gưl dlông, hrăm cử nhân tơlơi Angle.

Khua git gai ping gah Gia Lai ơi Hồ Văn Niên gah hnuă pơpŭ guang bơnga bơni kơ ơi Long dưi ruah ngă khua phrâo

Hlâo kơ ruah ngă khua tơring čar Gia Lai, ơi Trương Hải Long tom ngă hơdôm bruă: Kơ-iăng khua anom, khua anom bruă wai lăng mơnuih ngă bruă čar-gah Ding jum Bruă čar; ding kơna ping gah, Kơ-iăng Khua ding jum bruă čar, dưi pơkă hlâo ngă khua ding jum bruă čar mơ̆ng thun 2021-2026 hăng dưi hơmâo Ding jum kơđi čar pơsit ngă ding kơna apăn bruă ping gah dêh čar, khua mua apăn bruă ping gah phun tơring čar Gia Lai, ngă kơ-iăng khua git gai ping gah tơring čar Gia Lai blan 9/2022.

Nay Jek: Pơblang