VOV4.Jarai - Bơwih ƀong huă mơnuih mơnam tơring čar Gia Lai 9 blan thun 2022 hơmâo nam đĭ kơtang. Amăng anun, mrô anom bơwih ƀong phrâo akŏ pơdong hăng boh than ngă pơhưč tuh pơ plai prăk bơwih ƀong lêng kơ lu mơn. Mơng akŏ thun truh ră anai, ƀơi Gia Lai hơmâo rơbêh 740 anom bơwih ƀong hơmâo pơdong phrâo (đĭ giăm 17% bơhmu hăng thun 2021), hăng mrô prăk tuh pơ plai rơbêh 7.400 klai prăk. Kơ ngă pơhưč tuh pơ plai prăk bơwih ƀong, Jơnum min mơnuih ƀon sang tơring čar Gia Lai pơsit brơi tuh pơ plai 6 kơčăo bruă, hăng mrô prăk rơbêh 600 klai. 15 kơčăo bruă pơkŏn hăng mrô prăk rơbêh 3.400 klai hơmâo ngă giong laih hră pơ-ar, glăk hơmâo tơring čar sem lăng pơsit brơi.

Tui hăng ơi Nguyễn Hữu Quế  - Khua gơnong bruă dưm dăp bruă hăng tuh pơ plai tơring čar Gia Lai, kiăng anih tuh pơ plai rơđah rơđông, dưm kơnar hloh, tơring čar ƀrô pơplih phrâo bruă ngă hră pơ-ar rah, laih dong khut khăt pơhrui glăi kơčăo bruă ngă ƀu djơ̆ hăng tơlơi pơkôl.

Siu H’Mai: Pơblang