VOV4.Jarai - Mơmot lơ 12/10, Khul khua gum bruă Hlăk ai tơring čar Gia Lai pơphun ngă jơlan hơdră pơpŭ bơni kơ khul grup, drơi pô ngă bruă hlăk ai rơgơi thun 2017-2022. Ƀơi mông jơnum, Khul khua git gai hlăk ai tơring čar Gia Lai brơi hră bơni kơ 27 čô mơnuih hăng 28 grup; Khua Jơnum min mơnuih ƀon sang tơring čar Gia Lai brơi Hră bơni kơ 5 grup hăng 10 čô mơnuih, mă bruă rơgơi gah hlăk ai, čơđai anet mơng thun 2017 truh pơ thun 2022.

Ƀing khua hlăk ai hơmâo Jơnum min mơnuih ƀon sang tơring čar Gia Lai brơi hră bơni

Khul khua gum bruă git gai Hlăk ai dêh čar hơmâo brơi miđai “Yua kơ rơnuk hlăk ai” kơ 23 čô mơnuih hơmâo lu tơlơi gum pơgôp amăng bruă pơtô pơjuăt brơi ƀing hlăk ai, anai lĕ ƀing khua hlăk ai hơđăp mơng tơring čar Gia Lai.

Siu H’Mai: Pơblang