Tui khul wai lăng hơdôm akŏ bruă tuh pơ alin man pơdong tơring čar Gia Lai, djop anih man pơdong glăk kơnong 42% nua tui hră pơkôl man pơdong rơbêh 1.226 klai prăk. Sit biă ñu, hơmâo truh 6/7 boh sang hră ngă kaih mơng 10-15 hrơi, ba truh kơ bruă anai yua kơƀah mơnuih rơguăt bruă. Ƀơi anăp kơ tơlơi pơgô̆ khŏm man pơdong giong kiăng dưi mă yua amăng thun hrăm phrâo, anom bruă tuh pơ alin hơmâo pơhŭi hơdôm anom bruă man pơdong, laih dong gum hrŏm djru brơi mơnuih man pơdong.

Akŏ bruă hơmâo abih tih prăk tuh pơ alin rơbêh 1.516 klai prăk, ƀu djơ̆ kơnong djru brơi anih hrăm hră brơi ƀing čơđai kual giăm guai đôč ôh mơ̆ ăt jing tơlơi yôm phăn kơ bruă djru mơnuih mơnam, hơmâo lu mơnuih thâo hră hăng pơtrut pơđĭ kyar hơđong kjăp ƀơi kual giăm guai ƀơi Gia Lai.