Mơng thun 2016 truh ră anai, tơring čar Gia Lai hơmâo 257 akŏ bruă hơmâo jao hră pơsit, tŭ ư hăng tơlơi črâo trun tuh pơ alin, hăng mrô prăk rơbêh 78.000 klai prăk. Hơdôm akŏ bruă anai đing nao amăng hơdôm bruă phun anun lĕ ngă hmua, đang glai, apui lơtrik, tuh tia pơkra pơjing, man pơdong, mă hơdăng pơtâo…

Samơ̆ sit biă ñu, kơnong 163 akŏ bruă dưi mă yua, 72 akŏ bruă aka ƀu pok pơhai. Tơhnal gal tuh pơ alin aka ƀu pơhưč, tơlơi anai pơdah rơđah mơng mrô bơkơtưn gưl tơring čar PCI thun 2022 laih rơgao, Gia Lai dong 45 amăng 63 boh tơring čar, ƀôn prong (hrŏ trun 19 pơhmu hăng thun 2021); dong 4 amăng 5 boh tơring čar kual Dap kơdư. Kiăng pơplih hơdră tuh pơ alin, blan 9/2023, Jơnum min mơnuih ƀôn sang tơring čar Gia Lai hơmâo pơtrun akŏ bruă pơsir hĭ, đĭ tui mrô bơkơtưn gưl tơring čar thun 2023 hăng hơdôm thun pơ anăp dong. Hơnong pơkă gir run đĭ tui mrô PCI tơring čar thun 2023 amăng grup 20 boh tơring čar, ƀôn prong lu puang hloh.