Gia Lai hăng Ratanakiri (Kur) pơtrut ngă hrŏm kơjăp, mơ-ak hloh
Thứ sáu, 15:22, 27/10/2023
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Mơguah lơ 26/10, ƀơi plơi prong Pleiku hơmâo pơphun Jơnum tum pơƀut jơlan hơdră ngă hrŏm kơplah wah Jơnum min djŏp djuai ania mơnuih mơnam tơring čar Gia Lai hăng Jơnum min gum pơgôp đĭ kyar Lŏn ia tơring čar Ratanakiri - dêh čar Kur.
Rơwang thun 2018-2022, tơring čar Gia Lai hăng tơring čar Ratanakiri hơmâo ngă hrŏm pơgang klin Covid-19 ƀơi guai dêh čar tŭ yua, pơhlôm rơnuk rơnua ƀơi guai, pơgang ba tơlơi suaih pral kơ mơnuih ƀôn sang, ăt đĭ kyar bơwih ƀong huă - mơnuih mơnam...Dua boh tơring čar ngă hrŏm klă amăng bruă wai lăng jơlan guai, pơgang ba rơnuk rơnua gong guai.
Hơdôm anom bruă, tơhan pơgang guai mơ̆ng Gia Lai hăng Ratanakiri ngă hrŏm kơjăp, djă bong hơđong guai dêh čar dua bơnah. Ƀơi mông jơnum, ƀing khua mơ̆ng Gia Lai hăng tơring čar Ratanakiri gum bơkơtuai, tŭ ư hrŏm amăng Jơlan hơdră ngă hrŏm thun 2023-2025 hăng jơlan hơdră “Dêh čar ieo gah klă hiam, giăng mah pŭ ƀăn, ngă hrŏm amăng djŏp bruă hăng hơđong kơjăp sui thun”.
Viết bình luận