Ƀơi Ratanakiri, mơ̆ng tơlơi lăi pơthâo mơ̆ng ơi Sêu Than, plơi Lâm, să Bọ Nhầy, tơring glông Oyadav, khul tơhan nao sem lăng, pơtŏng sit ƀơi glai rưng Mung Tum, ataih mơ̆ng plơi 9km gah Ngŏ, laih anun hơmâo kuai rŭ đĭ 2 per tơlang tơhan djai drơi kơ lŏn ia. Ƀơi Stung Treng, mơ̆ng tơlơi pơthâo mơ̆ng ơi Đeng Keo, 67 thun, plơi Phum Pha Bang, să Thmor Keo, tơring glông Siêm Pang, Grup K52 hyu ĕp gah tlôn plơi Nhang Sum, laih anun hơmâo rŭ đĭ 1 per tơlang tơhan.

Hơdôm per tơlang tơhan aka ƀu thâo anăn krăn pô, pơsit djai amăng rơnuk blah ayăt Mi. Tơhan hyu ĕp ăt hơmâo ƀuh lu gơnam kah hăng tơamleč ao, jep lao, camen, pơtil hăng ao hla tăng. Ngă tui “Bruă mă 500 hrơi mlăm” mơ̆ng kơnôl 13/8 truh ră anai, Grup K52, tơring čar Gia Lai hơmâo kuai rŭ 5 per tơlang tơhan djai drơi yua kơ lŏn ia./.