Tơring čar Gia Lai him lăng kah mă yua rơbêh 11 rơbâo klai prăk kiăng kơ duh pơhrui glăi lŏn mơnai hăng djru man pơdong anih dŏ phrâo brơi mơnuih ƀôn sang lơm pok pơhai dua akŏ bruă čuk pơkra jơlan glông phun găn nao tơring čar. Dua akŏ bruă anai hơmâo jơlan rơdêh đuăi hmar Quy Nhơn-Pleiku hăng jơlan rơdêh treng đuăi hmar Kơdư-Dơnung găn nao tơring čar Gia Lai. Amăng anun, akŏ bruă jơlan rơdêh đuăi hmar Quy Nhơn-Pleiku glông abih tih 125 km, abih tih prăk tuh pơ alin rơbêh 43 rơbâo klai prăk, abih tih prăk duh phrui glăi lŏn mơnai hăng pơdong anih dŏ phrâo giăm 4.700 klai prăk.

Truh ră anai, bruă prap lui čuah pơtâo, pơkă lăng lŏn, jŭ yap hơmâo pơgiong laih. Tơring čar glăk dŏ tơguăn kơnuk kơna hluai tui tơlơi pơtrun kiăng anăp nao man pơkra. Hăng hơdôm ară jơlan rơdêh treng đuăi hmar, ară găn nao Gia Lai glông 115 km. Prăk tuh pơhrui glăi lŏn mơnai giăm 6.400 klai prăk. Tơring čar hơmâo dưm dăp 38 kual pơdong anih dŏ phrâo, djru brơi giăm 1.600 boh sang anŏ bơdjơ̆ nao. Ră anai 37 kual hơmâo tŭ yap anih man pơdong tong ten. Dua ară jơlan hơmâo pok rai lu tơlơi gal pơđĭ kyar phrâo brơi tơring čar Gia Lai.