Hlâo kơ mông Jơnum ruah khua ping gah tơring čar, rơwang thun 2025-2030, mơguah lơ 30/9, Jơnum min mơnuih ƀôn sang tơring čar Gia Lai pơphun mă yua dua glông jơlan nao rai yom phun anun lĕ Jơlan tơring čar 633, mơ̆ng Núi Ghềnh nao giăm truh jơlan ter hang ia rơsĭ (Jơlan tơring čar 639) hăng jơlan Điện Biên Phủ tô glông truh pơ kual plơi prong Diêm Vân. Anai jing 2 črăn jơlan akŏ phun, djru brơi jơlan nao rai mơak, pok rai anih pơđĭ kyar phrâo kơ tơring čar Gia Lai ngŏ.

Pô pơ ala Jơnum min mơnuih ƀôn sang tơring čar Gia Lai pơhiăp ƀơi mông mă yua 2 glông jơlan anai, ơi Nguyễn Tuấn Thanh, Kơ-iăng khua jơnum min mơnuih ƀôn sang tơring čar Gia Lai kiăng pô tuh pơ alin, hơdôm gơnong bruă, hơdôm boh tơring hăng anom bruă wai lăng klă, rơnăk klă jơlan kiăng hiam na nao; brơi prăk tuh pơ alin tui tơlơi pơkă; lăng glăi djŏp djel hơdôm bruă man pơdong hăng bruă pơkŏn dong đah mơ̆ng mă yua klă djŏp glông jơlan, mơ̆ng anun kiăng dưi ba Gia Lai jing tơring čar đĭ kyar pơ kual Tong Krah, đĭ 2 mrô amăng rơwang bruă pơ anăp”./.