Hrŏm hrơi anai mơn, tơring čar ječ ameč pok pơhai hơdră pơgang lơ̆m kơthel 15 amuñ či pưh nao. Jơnum min mơnuih ƀôn sang tơring čar Gia Lai kiăng hơdôm anom bruă iâu pơthưr abih bang mơnuih mă bruă, rơdêh, măi mok, song nan djru ba mơnuih bưp tơlơi truh; pơgang ba tơlơi hơdip ană plơi yơh yom hloh.

Anom apăn bruă ječ ameč pơkra glăi anih anom yom kah hăng jơlan nao rai, dơnao ia, apui lơtrik, sang dăng kông, sang hră, sang ia jrao; laih dong prăp lui anih dŏ kơđap kơ mơnuih ƀôn sang, pơhlom bruă hơdip mơda kơ mơnuih ƀôn sang rơngiă pưk sang đang hmua amăng tal kơthel 13 hăng tal ia dăo kiăo tlôn. Tơhan blah ngă, tơhan kông an djru ba pơđuăi mơnuih ƀôn sang amăng anih hŭi rơhyưt, pok pơhai bruă djru mơnuih bưp tơlơi truh, kih rơmet anih anom tơdơi kơthel pưh nao hăng pơgang klin kman. 2 tal kơthel ia dăo phrâo rơgao ƀơi Gia Lai hơmâo laih 5 čô mơnuih djai, 11 čô mơnuih rơka; rơbêh 100.000 boh sang răm rai, glưh abih, lu dram gơnam, ring bruă răm rai...Prăk rơngiă abih tih ñu giăm 12 rơbâo klai prăk.