Hrơi pơdă prưng hơmâo 70 pok rup, tơlơi pơhing bơdjơ̆ nao, gơnam tam, pơpha jing 3 črăn: Tơlơi hơdip hăng bruă mă mơng pô kač rup Xu-Man, hơdôm pok rup mơng Xu-Man ƀơi sang djă pioh gru grua tơring čar Gia Lai, pơdah glăi tơlơi hơdip, brua wmă hăng hơdôm pok rup mơng Xu-Man. Hơdôm pok rup anai hơmâo pioh glăi mơng mơng thun 1975 truh thun 2005, rup kač mơng ia klơr.

Hơdôm tơlơi phun mơ̆ rup rap Xu-Man pơdah anun lĕ ană mơnuih ƀơi kual Dap kơdư hăng khua mir sir Hồ Chí Minh amăng hơdôm pok rup lăi nao wa Hô mă bruă, wa Hô hăng neh met wa kual Dap kơdư; pran khăp pap mơng mơnuih ƀon sang kual Dap kơdư hơmâo pơdah amăng hơdôm pok rup kiăng pơtrut pơsur; gru grua djuai ania kual Dap kơdư kah hăng pơdah glăi rup rap hrơi ngă yang pơthi, hrơi atông čing hring hơdor hăng tơlơi hơdip rĭm hrơi anun lĕ tăp pơdai, mơñam rêu rô.