Gia Lai pơđĭ tui tơlơi rơgơi mơ̆ng ƀing ngă bruă kơnuk kơna
Thứ tư, 10:44, 20/05/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Kiăng pơhlom mơnuih mă bruă tui hăng tơlơi kiăng mơ̆ng gong gai dua gưl, amăng 1 thun rơgao, tơring čar Gia Lai hơmâo lu hơdră pơtô pơjuăt, pơđĭ tui tơlơi rơgơi, apăn bruă kơ ƀing khua mua, mơnuih mă bruă kơnuk kơna tui jơlan hơdră sit nik, mă yua ia rơgơi phrâo.
Rơđah biă ñu, ha mơkrah thun dŏ glăi amăng thun 2025, rơbêh 24.000 wơ̆t khua mua mơ̆ng tơring čar Gia Lai hơmâo pơtŏp hrăm bruă. Amăng anun hơmâo rơbêh 7.000 čô mơnuih hơmâo pơtô rơguăt mă yua boh thâo mrô; rơbêh 10.500 čô khua thun hlăk ai hăng hlăk ai mut phung hơmâo hrăm, mă yua ia rơgơi ană mơnuih pơčeh rai.
Ră anai, Gia Lai glăk mă yua ia rơgơi ană mơnuih pơčeh rai kiăng djru sem lăng pơčrang hră pơ-ar lŏn tơnah mơ̆ng gưl tơring čar truh pơ să, kiăng tañ ƀiă bruă ngă hră. Pơ anăp, tơring čar amra pơƀut pơtô pơjuăt mơnuih mă bruă amăng să dưi wai lăng lu bruă mă, lăp djơ̆ hăng bruă jao mơ̆ng gong gai tơring čar dua gưl./.
Viết bình luận