Hơdôm puih kơđông tơhan pơgang guai gah Anom bruă git gai tơhan pơgang guai Gia Lai hơmâo prăp lui bruă pơgang ba guai dêh čar hlâo, amăng hăng tơdơi kơ Tê̆t ngă yang thun phrâo. Hơdôm anom bruă thâo kjăp tơlơi pơhing amăng lăm hăng gah rơngiao; pơphun pơtŏp, hrăm hơdôm hơdră wai lăng, pơgang guai hăng bruă hyu tir na nao, hyu tir hăng tơhan pơgang guai gah dêh čar Kur. Laih dong, hơdôm anom bruă pơđĭ tui bruă pơtŏp ngă bruă, kjăp pran blah ngă, ƀu brơi hơmâo tơlơi truh ngă kơtuă, ƀu thâo hlâo.

Hrŏm hăng anun, tơhan pơgang guai gir hyu tir, thâo kjăp djŏp tơhnai, ngă hrŏm hăng tơhan apăn bruă, gong gai pơgang pơkơdong glăi mơnuih ngă soh gah guai; pơphun iâu pơthưr abih bang mơnuih ƀôn sang gum pơgang, črâo pơƀuh mơnuih ngă soh, biă ñu ƀing sĭ mơdrô dŏp amăng bơyan tê̆t.