Tui jŭ yap truh lơ 6/5, bruă man pơdong ƀơi 7 boh sang hră kơnuk kơna čem rông ba ƀơi kual giăm guai gah yŭ tơring čar Gia Lai glăk kơnong 40% bruă man pơdong; amăng anun 6 boh sang hră aka ƀu ngă djơ̆ hơnong pơkă. Kiăng man pơdong giong hơdôm boh sang hră hlâo kơ blan 7/2026, hmao mă yua amăng thun hrăm phrâo, khua wai lăng akŏ bruă tuh pơ alin man pơdong tơring čar Gia Lai him lăng pơhrua giăm 500 čô mơnuih mă bruă. Him lăng amăng blan 5 anai mơtăm, ling tơhan pơdong amăng ƀon lan amra nao djru man pơdong, ƀu kiăng rơguăt bruă ôh samơ̆ kiăng djôl bruă brơi hơdôm anom bruă man pơdong.