Gia Lai: Pơpŭ bơni 39 grŭp, mơnuih amăng bruă pơsur “Mơnuih Việt Nam đing nao yua gơnam Việt Nam”
Thứ tư, 09:35, 01/11/2023
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai – Mơguah lơ 31/10, ƀơi plơi prong Plei Ku, Jơnum min djop djuai ania mơnuih mơnam dêh čar Việt Nam tơring čar Gia Lai pơphun Jơnum bơni hơdôm grŭp, mơnuih ba jơlan hlâo amăng pok pơhai ngă tui Bruă pơsur “Mơnuih Việt Nam đing nao blơi yua gơnam Việt Nam” rơwang 2019-2023.
Rơwang 2019-2023, hơdôm sang bruă, anom bơwih ƀong, hơdôm bôh sang anô̆ bơwih ƀong sĭ mơdrô ƀơi tơring čar Gia Lai hmâo anăp nao klă laih Bruă pơsur “Mơnuih Việt Nam đing nao blơi yua gơnam Việt Nam”. Truh ră anai abih bang hơdôm bôh tơring glông, plơi prong mơ̆ng tơring čar Gia Lai hmâo 316 mơta gơnam OCOP hmâo mă mơng 3 truh 4 asar bôh pơtŭ leng kơ dưi tô nao rai hăng anih anom sĭ mơdrô ƀơi djop anih hăng anô̆ klă ñu pơhlôm...
Amăng mông jơnum, 39 grŭp, mơnuih ba jơlan hlâo hmâo bôh than prong dưi hmâo Jơnum min mơnuih ƀôn sang tơring čar Gia Lai, Jơnum min djop djuai ania mơnuih mơnam dêh čar Việt Nam tơring čar Gia Lai ƀơk hră bơni amăng pok pơhai ngă tui Bruă pơsur “Mơnuih Việt Nam đing nao blơi yua gơnam Việt Nam” rơwang 2019-2023./.
Viết bình luận