Tui tơlơi pơsit amăng mông jơnum, thun 2023 hmâo lu tơlơi tơnap, samơ̆ tơring čar hmâo gir run ngă tui laih hơdôm bruă jao bơwih ƀong – mơnuih mơnam. Kiăo tui anun, abih bang prăk mă yua kơ abih bang mơnuih mơnam ngă tui 42.000 klai prăk, djơ̆ hăng tơhnal pơkă hlâo hăng đĭ 9,28% bơhmu hăng thun hlâo.

Hơdôm tơhnal pơkă kơ nua gơnam ngă rai mơ̆ng đang hmua – đang kyâo – akan hơdang; măi mok, man pơdŏng; abih bang sĭ raih daih gơnam tam hăng lu tơhnal pơkă pơkon leng kơ djơ̆ tui tơhnal pơkă hăng hloh kơ kơčăo bruă ba tơbiă. Khă hnun hai, ăt hmâo mơn 7 tơhnal pơkă phun hăng 2 tơhnal bruă akă dưi ngă djơ̆ tơhnal pơkă. Jơnum pioh lu mông pơsit, pơblang hơdôm bôh than ba truh yua ƀu đing nao hăng hơdôm jơlan pơsir tơlơi tơnap kiăng ngă giong hơdôm bruă jao amăng thun dơi./.