Amăng mông jơnum bơkơtuai ƀơi Sang jơnum, ƀing khua mua pơgôp hiăp, mah Jơnum min mơnuih ƀôn sang tơring čar hơmâo akŏ pơjing lu grup pel ĕp, pơsir hĭ tơnap tap, gun găn, samơ̆ 7/21 hơnong pơkă bơwih ƀong-mơnuih mơnam thun 2023 amăng tơring čar Gia Lai aka ƀu dưi ngă. Yua anun, djop gơnong bruă kiăng hơmâo hơdră phara, tong ten kiăng kơ ngă tui bruă jao.

Ơi Phạm Minh Trung-Khua gơnong bruă wai lăng ayuh hyiăng rơhuông adai Gia Lai ăt pơčrông sai, ngă rơđah tơlơi ba truh kơ hơdôm tơlơi tơnap tap amăng mă yua lŏn mơnai mơng anom bơwih ƀong hrŏm, jơlan gah wai lăng agaih rơnăk amăng rông hlô mơnong, pơphô bruă pơsit nua lŏn mơnai kiăng pơtrut tañ tuh pơ alin man pơdong. Laih dong, rơkâo djop ƀon lan gum hrŏm pok pơhai tañ hơdôm pok hră pơ-ar kiăng djru brơi lŏn kơ mơnuih ƀon sang amăng jơlan hơdră tui hơnong pơkă dêh čar amăng pơđĭ kyar bơwih ƀong huă-mơnuih mơnam kual mơnuih djuai ania ƀiă.