Kơčăo bruă čuk jơlan nao rai bơwih ƀong huă gah Ngŏ-jơlan bĕ jơlan dêh čar mrô 19, črăn găn nao pơ să Biển Hồ, pơphun čuk pơkra mơ̆ng thun 2022 hăng rơnoh prăk tuh pơ alin 1.322 klai, glông 15 km, ră anai, pơtrut mă bruă hrơi mlam pơblih nao rai, 3 grup, 4 khul, mah adai ayuh hyiăng hiư̆m pă hai ăt mă bruă, khut khăt kiăng giong amăng lơ 19/12 thun anai.

Hrŏm hăng anun, Gia Lai hlăk prăp lui dua kơčăo bruă prong dêh čar, kơčăo bruă phun : jơlan rơdêh đuăi hmar Quy Nhơn-Plei Ku hăng jơlan rơdêh treng đuăi hmar mơ̆ng Kơdư-Dơnung dêh čar. Tơring čar ngă giong laih bruă pơkă lăng hlâo, jŭ yap, prăp lui pơdŭ ba gơnam mă bruă hăng mă yua 11.000 klai prăk pioh duh glăi lŏn mơnuih ƀôn sang, čuk pơdăo pơklaih ala lŏn ngă atur jơlan pok pơhai kơčăo bruă prong, djru hrŏm pơtruh nao rai amăng kual hăng pơtrut pơđĭ kyar hơđong kơjăp.