Ră anai, ƀơi tơring čar Gialai hmâo năng ai ñu 8000 bôh anom bơwih ƀong, hăng abih bang prăk pơkă mă yua rơbêh kơ 120.000 klai prăk. Amăng mrô anai, hmâo rơbêh kơ 47% lĕ mrô anom bơwih ƀong anet.

Yua anun, bruă pơtrut tơlơi prong kơtang mơng khul bơwih ƀong sĭ mơdrô hluai tui pơplih mrô hmâo bôh yôm phăn hăng pơđĭ kyar bơwih ƀong – mơnuih mơnam ƀơi tơring čar. Bruă jơnum pơhrăm lăi pơthâo hơdôm tơlơi thâo phun kơ pơplih mrô kơ anom bơwih ƀong, tơlơi pha ra kơplah wah wai lăng anom bơwih ƀong, wai lăng bruă sĭ gơnam mơng hlâo hăng hluai tui măi mok, pơplih mrô; sa dua hơdră pơplih mrô lu hăng bruă mă yua pơplih mrô djơ̆ hăng anom bơwih ƀong anet, anet aneo hăng anom mă bruă hrom. Pơsit pơplih mrô lĕ bruă mă ƀu dưi lui, tơring čar Gialai ăt hmâo mơn lu bruă mă kiăng djru hơdôm bôh anom bơwih ƀong, kah hăng pok lu bruă jơnum pơhrăm, djru pok hơdôm website, djru hơdôm bôh anom bơwih ƀong ba gơnam mơng pô, biă ñu gơnam mă mơng đang hmua hăng gơnam OCOP amăng jơlan sĭ mdrô tui măi mok./.