Amăng anun, hơdôm gơnam mă mơng đang hmua hmâo giăm truh 74%. Kơnong kơ kơ phê hmâo nua lu hloh hăng 435 klăk dolar Mi. Tui hăng yă Đào Thị Thu Nguyệt – Kơ-iăng Khua Gơnong bruă sĭ mơdrô tơring čar Gialai, thun 2022, bruă bơwih ƀong rŏng lŏn tơnah hmâo tơlơi pơplih ƀu gal hăng hơdôm gơnam sĭ kơ dêh čar tač rơngiao mơng tơring čar, biă ñu tơlơi hrŏ trun bruă blơi yua, đĭ prăk apah pơgiăng hăng tơ̆i đưn jơlan pơlir nao rai, sĭ gơnam kơ dêh čar Khač hơdư̆ hĭ.

Kơ phê ba glăi 435 klăk dolar Mi kơ tơring čar Gialai mơng bruă sĭ gơnam kơ dêh čar tač rơngiao

Khă hnun hai, gơnang kơ hur har hăng jai hrơi jai kơjăp bruă, hơdôm bôh anom bơwih ƀong sĭ gơnam kơ dêh čar tač rơngiao ƀơi tơring čar hmao kiăo tui mơn hăng bruă sĭ mơdrô, lu gơnam hmâo pơplih mơng anet truh kơ prong... djru ba glăi bôh tơhnal hrom. Tui tơlơi pơkă hlâo, pơđut thun anai, gơnam sĭ kơ dêh čar tač rơngiao mơng Gialai amra hloh kơ rơnoh 660 klăk dolar Mi./.