Tui pel ĕp mơng gơnong bruă ngă hmua hăng pơđĭ kyar ƀon lan tơring čar Dak Lak, amăng tơring čar hơmâo giăm 100 anih amra ƀuh lŏn tơhroh hăng tơlơi hŭi rơhyưt phara mơn. Him lăng amăng hơdôm hrơi pơ anăp, yua bơdjơ̆ nao  mơng kơthel mrô 4, ƀơi tơring čar Dak Lak amra ƀuh hơjan gap ƀrô, hơjan prong.

Ia hơjan mơng 20-40 mm, hơmâo anih 40 mm, amra ƀuh ia kor rôk ia krông čroh hnoh; lŏn tơhroh ƀơi kual kơčong čư̆ lơm lŏn djrưh hăng lŏn tơhlom ter hang ia krông hơdôm boh tơring glông: Ea Sup, Ea Hleo, Krông Buk, Čư̆ Mgar, Čư Kuin, Buôn Đôn. Ơi Nguyễn Hoài Dương, Khua gơnong bruă ngă hmua hăng pơđĭ kyar ƀon lan tơring čar Dak Lak brơi thâo, Jơnum min mơnuih ƀôn sang tơring čar hơmâo hră pơ-ar git gai hơdôm boh ƀon lan kiăo tui lăng ayuh hyiăng kiăng hơmâo hơdră pơhlôm hlâo hmao tlôn.