Khua apăn akô̆ Gong gai dêh čar lăi rơđah, rơgao hăng anai 1 thun, lơ 11/10/2021, Gong gai dêh čar ta mă yua Tơlơi pơtrun pơsit 128 kơ ngă juăt pơhlôm, pơplih tañ, wai lăng ba glăi bôh tơhnal klin ruă Covid-19. Truh ră anai, lăng glăi 10 blan rơgao, tơlơi phara laih, hmâo lu tơlơi pơplih bơhmu hăng lơm pơdŏng kơčăo bruă thun 2022 mơ̆ akă hmâo him lăng abih ôh.

Ƀing ding kơna gong gai dêh čar amăng mông jơnum

Gong gai dêh čar ta jơnum tui tơđar pơsit tơlơi bơwih ƀong – mơnuih mơnam blan 10 hăng 10 blan thun 2022 kiăng mă tŭ tơlơi găn rơgao, ba tơbiă tơhnal pơkă, tơlơi pơmin črâo ba git gai mơng ră anai truh kơ rơnuč thun 2022, pơhlôm tơhnal ba tơbiă tui pran jua git gai mơng Ping gah, Ding jum kơđi čar pioh kơ bruă bơwih ƀong – mơnuih mơnam lŏn ia. Khua dêh čar ta čang rơmang ding kơna Gong gai dêh čar đing nao bôh thâo, tơlơi găn rơgao, gum hơgôp lăi pơthâo glăi, tŭ mă, pơsit tơlơi kiăng hmâo hơdôm tơhnal pơkă, bruă mă, jơlan pơsir djơ̆, hrom hăng anun lăng glăi Tơlơi pơtrun pơsit mông jơnum kiăng git gai amăng blan 11 hăng 12, pơđut thun 2022 truh kih, hmâo hơdôm tơhnal ba tơbiă./.