Tơdơi kơ hmư̆ hơdôm anom bruă mơ̆ng Gong phun jua pơhiăp Việt Nam lăi pơthâo glăi bruă prăp rơmet kơ hrơi Jơnum pơplông Pôr jua pơhiăp dêh čar tal XVII, pơhiăp klah čun mông mă bruă, Kơ-iăng khua Gong phun jua pơhiăp Việt Nam ơi Phạm Mạnh Hùng, Khua anom pơphun pơplông pôr jua pơhiăp đơ đam čar ta đăo kơnang, hăng tơlơi pơphun ngă, prăp rơmet klă, Jơnum pơplông pôr jua pơhiăp đơ đam čar ta tal anai amra kơđŏm gru đĭ kyar phrâo kơ bruă pôr jua pơhiăp amăng čar ta hăng ƀing hyu mă tơlơi pơhing, ƀing dăp hră pơhing, ƀing apăn bruă măi mok pơhrip jua pơhiăp hơmâo pran jua mơak, gum hrŏm hăng djuai ania ta đah mơ̆ng dưi ngă hơdôm tơlơi đĭ kyar mơ̆ng lŏn ia ta amăng rơnuk phrâo.

Hơdôm tơlơi pơhing hơmâo ba nao pơplông hơmâo lu mơta biă kah hăng: pôr pơhing hlao ƀơi anăp; tơlơi pơhing ră ruai tơlơi hơmâo sit, tơlơi pơhing hơduah ĕp kơđi; pôr pơhing tui akŏ bruă, pôr pơhing tơlơi djuai ania ƀiă. Biă ñu, tal anai jing blung a, Gong phun jua pơhiăp Việt Nam ba pơplông tơlơi pơhing Podcast - tơlơi pôr pơhiăp glăk hmư̆ ư biă amăng glông pôr boh thâo mrô; pơphun Jơnum jar kmar hăng Jơnum pok pơphun jơlan hơdră adoh suang “Jua pơhiăp rơnuk phrâo” pơphun ƀơi Tơdron lăk 30/10, ƀơi Hạ Long hơmâo lu mơnuih adoh suang hmư̆ hing hăng hơdôm pluh rơbâo čô mơnuih nao lăng./.