Bơni hơ-ơč 99 thun hrơi čih hră pơhing hơkrŭ Việt Nam, khua mua djŏp anom bruă bơni bơ-ơč tơlơi hiam klă kơ abih bang khua mua, mơnuih čih tơlơi pơhing, mơnuih dăp hơdră, ƀing apăn bruă măi mok, mơnuih mă bruă mơ̆ng Gong phun pơtui jua pơhiăp Việt Nam.

Khua Gong phun pơtui jua pơhiăp dêh čar Việt Nam ơi Đỗ Tiến Sỹ brơi thâo, Gong phun pơtui jua pơhiăp Việt Nam glăk hơmâo lu tơlơi pơplih kơtang biă či akŏ pơjing Gong phun pơtui jua pơhiăp jing anom bruă čih hră pơhing ba jơlan hlâo, hơmâo lu glông pôr pơhing, hơmâo lu tơlơi pơhiăp mơ̆ng lu phung djuai ania, jing anom bruă pôr pơhing kơtang hloh mơ̆ng lŏn ia, hmư̆ hing ƀơi kual wơ̆t hăng ƀơi jar kmar. Gong phun pơtui jua pơhiăp gir pơplih tui boh thâo mrô kiăo tui 3 gong tơmeh phun anun lĕ: tơlơi pơhing mrô, pôr pơthâo hăng mrô, abih bang mơnuih hmư̆ tơlơi pơhing hăng boh thâo mrô, lăng anai jing hơdră kơtưn pơ anăp, yôm biă hăng bruă mă, bruă pơđĭ kyar mơ̆ng hơdôm anom bruă čih hră pơhing lăi hrŏm hăng Gong phun pơtui jua pơhiăp Việt Nam lăi hơjăn amăng rơnuk phrâo.