Ƀơi anăp kơ tơlơi pơhing ruă mơta ƀă hyu kơtang amăng kual plơi pla, boh nik ñu ƀơi lu sang hră, tom brơi, lơ 12/9 Gơnong bruă ia jrao tơring čar Kon Tum hơmâo hră mơ-it kơ djop gơnong bruă, sang bruă pơdjơ̆ nao, jơnum min mơnuih ƀôn sang 10 boh tơring glông, plơi prong amăng tơring čar laih anun sang ia jrao anet, prong amăng tơring čar kơtưn pơhlôm, pơgang tơlơi ruă mơta.

Tui hăng anun, hơdôm anom bruă gah gơnong bruă ia jrao khom krăo lăng tong ten, kiăng ƀuh tañ anih klin ƀă hyu tơlơi ruă mơta, biă mă ñu amăng sang hră, kiăng ngă tui djơ̆ tơlơi pơtô ba mơ̆ng anom bruă ia jrao pơgang dêh čar gah Ding jum ia jrao. Gơnong bruă ia jrao tơring čar Kon Tum ăt rơkâo Gơnong bruă Pơtô hăng Pơjuăt, jơnum min mơnuih ƀôn sang 10 boh tơring glông, plơi prong sit ƀuh mơnuih ruă mơta ƀă amăng sang hră kah hăng truh duăm pơ-iă drơi, pơ-ai buai, ruă rơkông đok, hơmâo eh mơta, tơgŭ mơ̆nt pit, bơbrah ƀơi gŭ tơngia ƀudah bơbrah yơi ƀơi gŭ đok khom ba čơđai nao pơ sang ia jrao pơkă lăng hăng pơjrao hmao kru.