Thun 2026 lĕ thun blung a ngă tui hơnong pơkă pơđi kyar 2 mrô brơi rơwang thun 2026-2030, rơkâo gơnong bruă prăk kak kiăng ngă tui pơphô bruă pơhlôm hơđong bơwih ƀong huă pok prong, wai lăng prăk trun nua, hăng jak iâu pơgôp, kah pơpha hăng mă yua klă hơdôm ngăn rơnoh kiăng pơtrut pơđĭ kyar tañ hăng hơđong kjăp. Ding jum prăk kak hơmâo ječ ameč ngă tui tong ten tơlơi pơtrun Jơnum Ping gah tal XIV, hơdôm tơlơi pơtrun, tơlơi klah čun mơng gơnong glông, Ding jum prăk kak, Khul git gai Ping gah, Ƀirô Khua pơ ala mơnuih ƀon sang dêh čar, tơlơi git gai mơng Kơnuk kơna, Khua dêh čar jing hơdôm jơlan hơdră, akŏ bruă kiăng pok pơhai hmao tlôn, tŭ yua amăng 6 blan akŏ thun 2026; gum hrŏm kjăp hăng hơdôm ding jum, anom bruă bruă, gong gai ƀon lan gơgrong pơphô bruă, pok pơhai ha amăng plĕ, hơdeč hmar, pơčeh phrâo, sit nik, tŭ yua, lăp djơ̆, pơhlôm hrơi mông pơgiong lu bruă pơprong; hmao tlôn lăp djơ̆ tơlơi rơkâo pok pơhai hơdôm tơlơi pơtrun phun mơng Ding jum kơđi čar, ba tơbiă tơhnal pơkă, hơdră bruă phara brơi sa, dua boh ƀon lan phun hăng tơlơi pơkă brơi hơdôm hơbô̆ bruă bơwih ƀong phrâo.