Grŭp črâo ba dêh čar ta kơ bruă pơgang, pơgăn hưp ƀong kông ngăn, tơlơi ngă soh mă bruă hăng Ping gah tơring čar Bà Rịa – Vũng Tàu
Thứ sáu, 06:00, 27/10/2023
VOV/Siu H' Prăk pơblang
VOV/Siu H' Prăk pơblang
VOV4.Jarai – Tom brơi (26/10), Grŭp hyu mă bruă Grŭp črâo ba dêh čar ta kơ pơgang, pơgăn hưp ƀong kông ngăn, tơlơi ngă soh yua kơ ơi Trần Cẩm Tú, Ding kơna Ding jum Kơđi čar, Khua Jơnum min pel ĕp kơđi tơlơi Ping gah dêh čar, Kơ-iăng Khua Grŭp črâo ba bruă pơgang, pơgăn hưp ƀong kông ngăn, tơlơi ngă soh ngă Khua Grŭp (grŭp mrô 3) hmâo laih mông mă bruă hăng Ping gah tơring čar Bà Rịa – Vũng Tàu pioh lăi pơthâo kơčăo bruă pel ĕp bruă pơplih phrâo hơdră pơtrun, hơdră bruă mơ̆ng Ping gah pơgang, pơgăn hưp ƀong kông ngăn, tơlơi ngă soh jing tơlơi phiăn mơ̆ng kơnuk kơna.
Ƀơi hơdôm bôh anom dưi pel ĕp, Grŭp hmâo rơkâo laih hơdôm bôh ƀirô, anom bruă lăi pơblang, ngă rơđah hơdôm tơlơi pơsit, tơlơi pơkă, mrô, lăi pơhing, hră pơ-ar bơdjơ̆ nao kiăng Grŭp kơsem min, pel ĕp glăi, pơsit glăi pioh ngă rơđah tơlơi bơdjơ̆ nao bôh yôm pel ĕp.
Pơhiăp amăng mông mă bruă, ơi Trần Cẩm Tú, Ding kơna Ding jum Kơđi čar, Khua Jơnum min pel ĕp kơđi tơlơi Ping gah dêh čar, Kơ-iăng Khua Grŭp črâo ba bruă pơgang, pơgăn hưp ƀong kông ngăn, tơlơi ngă soh brơi thâo, Ping gah tơring čar Bà Rịa - Vũng Tàu lĕ sa amăng 6 grŭp Ping gah dưi hmâo Grŭp črâo ba Ping gah dêh čar ngă hră kơčăo bruă pel ĕp./.
Viết bình luận