Ơi Vương Đình Huệ lăng yôm tơlơi gum pơgôp mơng grup khua mua giang mah Prang - Việt Nam amăng kơtưn ngă hrŏm kơplah wah Ƀirô Khua pơ ala mơnuih ƀôn sang dêh čar, lĕ gong jơlan tô nao rai Việt nam-Prang kiăng kơtưn ngă hrŏm kơplah wah dua boh dêh čar amăng djop mơta bruă.

Khua git gai pơ ala mơnuih ƀôn sang dêh čar čang rơmang, hluai tui ƀing khua pơ ala mơnuih ƀon sang kiăng kơtưn ƀiă dong tơlơi gơgrong bruă mă mơng Ƀirô Khua pơ ala mơnuih ƀôn sang dêh čar amăng bruă pơlir hơbit mơnuih pơhiăp tơlơi Prang; rơkâo dua bơnah tŏ tui rô nao rai kjăp hăng lu bruă kiăng kơtưn tơlơi rô nao rai kơplah wah anom bruă ƀơi hơdôm kual amăng dêh čar Prang hăng hơdôm boh ƀon lan ƀơi Việt Nam. Sit biă ñu hơdôm boh ƀon lan glăk hơmâo tơlơi rô nao rai giang mah; ƀing khua mua dua bơnah kiăng pơtrut pơsur, kiăo tui lăng hơdôm akŏ bruă hơmâo kĭ kơplah wah dua kơnuk kơna.