Bruă mă anai amăng hơdră dư bơnah bưp nao rai jơnum ngui mơak gơyut gơyâo plah wah Jơnum min djop djuai ania mơnuih mơnam Việt Nam hăng Khač. Đĭ ƀattô hiam hyu ngui, ĕp lăng tong wing ia rơsĭ Hạ Long, ƀing khua mua djop djuai ania mơnuih mơnam dua bơnah Việt Nam hăng Khač laih anun khua mua djop djuai ania mơnuih mơnam 7 boh tơring čar gah Việt Nam hơmâo guai hăng 2 boh tơring čar, kual lŏn wai lăng pô dêh čar Khač hyu ĕp lăng anih anom hiam bul pơtâo, amăng rơ-ưng bul pơtâo plao ia rơsĭ hmư̆ hing ƀơi Hạ Long, kông ngăn lŏn mơnai glai ia rơsĭ rŏng lŏn tơnah.

Ƀattô weh hyu lăng djop bul pơtâo anet prong amăng tong wing Hạ Long, hiam hloh lĕ bul pơtâo rup mơnŭ ania, mơnŭ ông anăp nao rai, bul pơtâo Đỉnh Hương, ƀing khua mua gah dêh čar Khač bơni biă mă anŏ hiam rô̆ lŏn glai adai rơhuông yang brơi kơ Hạ Long laih anun hơmâo tơlơi mơak tŭ jum tuai, pran jua čơmah mơ̆ng mơnuih ƀôn sang ƀơi tơring čar Quảng Ninh, ngă kơ tuai ƀu her đuăi ôh.