Tlam lơ 10/11, ƀơi Hà Nội, ơi Trần Tuấn Anh, Ding kơna Ding jum kơđi čar, Khua anom bơwih ƀong dêh čar, pơ ala brơi Ping gah dêh čar ta, hơmâo mông bưp khua mua pơprong Ping gah Cộng sản Peru. Ơi Trần Tuấn Anh pơsit tong Ping gah Cộng sản Việt Nam lêng kơ lăng yôm, čang rơmang ƀu pơdơi hơkrŭ glăi hăng kơtưn tơlơi rô nao rai ngă hrŏm hăng hơdôm boh dêh čar, djop Ping gah hơmâo tơlơi rô nao rai sui thun, amăng anun hơmâo Ping gah Cộng sản Peru hluai tui bruă pơlir hơbit sui thun, tơlơi dưi bơkơnar hăng rơkâo ngă hrŏm amăng rơnuk phrâo yua kơ tơlơi dưi mơnuih ƀon sang dua bơnah, yua tơlơi rơnuk rơnua, ngă hrŏm hăng pơđĭ kyar amăng kual hăng rŏng lŏn tơnah.

Khua git gai Ping gah Cộng sản Peru Lu-ít Vi-gia-nu-ê-va lăi pơtong Ping gah Cộng sản Peru lêng kơ lăng yôm tơlơi rô nao rai gru grua, gum pơgôp mut hrŏm hăng Ping gah Cộng sản Việt Nam; ƀuăn tŏ tui pơgôp amăng bruă pơtrut tơlơi rô nao rai giang mah hăng ngă hrŏm hiam klă kơplah wah dua Ping gah, dua Kơnuk kơnua hăng mơnuih ƀon sang dua boh dêh čar pơ anăp dong.