Mơnuih ƀôn sang ruah khua jing ƀing kơtri hok mơ-ak biă mă ƀơi anăp boh tŭ yua pơđĭ kyar bơwih ƀong huă - mơnuih mơnam, biă ñu lĕ bruă pơmut tơring čar, pok pơhai gong gai dua gưl. Khă hnun, lu tơlơi pơgôp hiăp lăi tơdơi kơ pơmut hrŏm, să prong, bruă lu, ngă tơnap biă, anun jing kiăng hơmâo prăk apah lăp djơ̆ kơ ƀing mă bruă čar, biă ñu lĕ ƀing apăn pơkra sa mơta bruă.

Mơnuih ƀôn sang kiăng man pơkra anih anom, jơlan nao rai, gơnam yua măi mok đah mơ̆ng pơkra hră pơ-ar tañ hloh; lăp đing nao pơđĭ kyar jơlan nao rai hăng logistics, tañ mă yua jơlan rơdêh đuăi hmar Buôn Ma Thuột - Nha Trang, Buôn Ma Thuột - Phú Yên, pơkra hiam jơlan prong 29 hăng man pơkra tơdrun kom păn Vũng Rô - Bãi Gốc bơwih bruă ba sĭ gơnam pơ čar rơngiao. Amăng bruă ngă hmua, kiăng djru anom ngă ƀong hrŏm, akŏ pơdong kual pla lăp djơ̆ hăng tơlơi pơkă mơ̆ng jar kmar, tuh pơ alin man pơkra sang măi pơkra, djă pioh, răk gơnam hăng pok prong hơdră djru čan prăk mă kơmlai aset./.