Ƀing khua lăi pơthâo tơlơi pơsit hăng tŭ ư bruă krăp lăng tơlơi git gai, črâo bruă hăng pơphun ngă tui Tơlơi pơtum glăi mrô 67-2019 mơ̆ng Ding jum kơđi čar kơ akŏ pơdong hăng pơđĭ kyar plơi prong Buôn Ma Thuột truh pơ thun 2030, lăng nao pơ anăp thun 2045.

Tui hăng tơlơi pơsit, Grup krăp lăng mơ̆ng Anom bruă bơwih ƀong dêh čar amra krăp lăng amăng 45 hrơi, hăng 6 anom bruă bơdjơ̆ nao, pơtŏng glăi abih bang bruă ngă, črâo pơƀuh tơlơi gêh gal, tơlơi aka ƀu dưi ngă, tơlơi tơnap tơdơi kơ 4 thun ngă tui tơlơi Pơtum glăi mrô 67-2019 KL/TW mơ̆ng Ding jum kơđi čar kơ “Akŏ pơdong hăng pơđĭ kyar plơi prong Buôn Ma Thuột, tơring čar Dak Lăk truh pơ thun 2030, lăng nao pơ anăp thun 2045”. Mơ̆ng anun, rơkâo hơdră pơsir hĭ hơdôm tơlơi tơnap, tơlơi gun găn amăng bruă mă, ngă truh kih tơlơi Pơtum glăi 67 ba tơbiă.