Đĭ pơhiăp amăng mông mă bruă, Khua khul pơphô bruă Ping gah ơi Phan Đình Trạc lăi nao sa, dua bruă kiăng đing nao amăng pel ĕp mơng grup pel ĕp. Rơkâo ƀing ding kơna amăng grup pel ĕp gum hrŏm kjăp hăng gưl Ping gah, khul grup Ping gah, anom bruă, sang bruă hơmâo pel ĕp ngă pơgiong tui hơnong pơkă, tơlơi rơkâo hăng hơdôm boh tơhnal kiăng đing nao mơng anun bruă pel ĕp kah pơhlôm brơi klă, djơ̆ tơlơi pơkă mơng Ping gah kơ bruă pel ĕp pơhlôm sit nik, tŭ yua.

Hơnong pơkă phun mơng bruă pel ĕp lĕ pơgôp ngă tui klă, tŭ yua ƀiă dong tơlơi pơtrun mơng Jơnum Ping gah tal 13, tơlơi pơtrun mơng Jơnum Ping gah tơring čar. Bruă pel ĕp kiăng kơ ƀuh tơlơi gir run, hơdôm boh than dưi ngă, tơlơi pơčeh phrâo, bruă mă klă, tơlơi găn rơgao hăng hơdôm tơlơi tơnap tap, gun găn kiăng pơsir hĭ.