Hlâo kơ anun, mơ̆ng tơlơi pơhing mơnuih ƀôn sang pơthâo brơi, kơnôl 5/10, ƀing khua, tơhan K51 pơtŏng sit ƀơi plơi Tusvai, să Dak Dam, tơring čar Mondulkiri. Kiăng dưi nao pơ anih dor tơhan, ling tơhan hyu ĕp rơngiă 2 mông, đĭ čư̆ găn ia. Tơdơi kơ klơi dlăm rơbêh 60 cm, ling tơhan ƀuh lu gơnam bơdjơ̆ nao tơhan djai. Dua per tơlang hơmâo dor ataih năng ai 2m, ataih mơ̆ng čroh ia rơbêh 50 met, giăm sa phun kyâo prong.

Tơdơi kơ pơtŏng lăng, ling tơhan kuai rŭ đĭ, anung hĭ, djă pioh klă laih anun ba glăi tŭi ñang hơ-ŭ pơ anih tŭi ñang kơ tơhan djai pơsăn drơi. Tui anun, tơdơi kơ 20 hrơi ngă bruă bơyan phang 2026-2027 ƀơi čar Kur, Tơhan K51 hơmâo rŭ đĭ 3 per tơlang tơhan. Bruă anai gum pơgôp kơ bruă mă 500 hrơi mlăm hyu ĕp, ba glăi ling tơhan djai drơi kơ lŏn ia glăi pơ plơi pla, lŏn čar./.