Anai lĕ bruă mă tŭ yua amăng bruă bơyan bơnga gum djru – Tết khăp păp mơ̆ng hlăk ai Dak Lak anăp nao mơnuih ƀun rin hăng hơdôm mơnuih ƀu hmâo anih gơnang amăng tal Tết tui phiăn juăt Giáp Thìn. Ƀơi Jơlan hơdră, grŭp pơphun hmâo ƀơk laih 500 anung gơnam, rim anung gơnam hmâo hơdôm gơnam kiăng yua lu (hmâo nua 300 rơbâo prăk) pioh ƀơk kơ hơdôm mơnuih tơnap tap, mơnuih ƀu klă drơi jăn, mơnuih tha rơma ƀu hmâo anih gơnang ƀơi plơi prong Buôn Ma Thuột.

Jơlan hơdră gah pơlir hơbit bruă mă bơyan bơnga khăp păp – tết gum djru yua kơ hlăk ai Dak Lak pok pơhai amăng đơ đam tơring čar. Kiăo tui anun, hrŏm hăng hơdôm ngăn rơnoh yua kơ hơdôm Khul hlăk ai tơring glông, plơi prong iâo pơhrui, Khul hlăk ai ăt pơsur mơn rơbêh kơ 1 klai 200 klăk prăk hăng gum hrŏm hăng hơdôm anom bruă pơphun jơlan hơdră gum djru ƀơi hơdôm anih anom mơnuih ƀôn sang dô̆, anom pơgang ba mơnuih mơnam hăng čuă, ƀơk gơnam tam ƀing hlăk ai mă bruă kơ sang bruă mă bruă amăng mlăm čơkă thun phrâo. Anai lĕ bruă mă sit nik anăp nao mơnuih ƀu hmâo anih gơnang pioh djru gơñu dưi čơkă tết tui phiăn juăt tâ̆o klă, mơ-ak hloh./.