VOV4.Jarai - Khul hlăk ai tơring čar Dak Lăk phrâo pơphun bơbưp kơplah wah Hlăk ai mut phung Hồ Chí Minh tơring čar Dak Lăk (Việt Nam) hăng Hlăk ai mơnuih ƀon sang hơkrŭ dêh čar Lao tơring čar Chămpasăk (dêh čar Lao). Ƀing khua hlăk ai mơng 2 boh tơring čar hơmâo lăi pơthâo kơ bruă bơwih ƀong - mơnuih mơnam, bruă mă mơng khul hlăk ai 2 boh tơring čar amăng 5 thun rơgao.

Mông bơbưp hlăk ai dua bơnah

Lăi pơthâo nao rai kơ boh than hyu pơtô pơblang ƀing khua hlăk ai, hlăk ai tơdăm dra, čơđai muai amăng bruă ngă tui tơlơi pơtrun mơng Ping gah, tơlơi phiăn Kơnuk kơna, Hră ngă hrŏm hơmâo kĭ pơkôl kơplah wah Ping gah, Kơnuk kơna Việt Nam - Lao, Lao - Việt Nam; tơlơi rô nao rai ngă gŏp yôm pơphăn kơplah wah Việt Nam hăng Lao, Lao- Việt Nam, kơplah wah tơring čar Dak Lăk hăng tơring čar Chămpasăk. Tơlơi gơgrong bruă mơng Khul hlăk ai amăng bruă djru ba hlăk ai pơčeh phrâo, nao hlâo mă bruă, gum pơđĭ kyar bơwih ƀong huă , gru grua boh thâo, mơnuih mơnam, pơgang rơnuk rơnua lŏn ia.

Siu H’Mai: Pơblang