Lăi pơtong kơ boh yôm phun, kual Dap Kơdư hơmâo anih yôm phara biă mă, kah hăng bơbung sang kual Đông Dương, khua mir sir rơkâo Binh đoàn 15 ăt pơtô lăi tong ten tơlơi pơmin, anŏ kiăng, jơlan hơdră gah bruă ling tơhan, pơgang lŏn ia mơ̆ng anom bruă ping gah ling tơhan dêh čar, ding jum ling tơhan pơtrun, thâo hluh rơđah jơlan hơdră pơtrun pioh ngă bruă pơgang lŏn ia amăng rơnuk phrâo. Hră pơtrun mơ̆ng ding jum kơđi čar kơ anăp pơđĭ kyar bơwih ƀong huă hăng pơgang rơnuk rơnua kual Dap Kơdư truh thun 2030, lăng nao pơ anăp adih truh thun 2045. Ngă hrŏm tong ten hăng djop anom bruă ping gah, gong gai kơnuk kơna hăng mơnuih ƀôn sang amăng kual pơtrut ngă tui truh kih bruă mă bơwih ƀong huă mơnuih mơnam; djă bong tơlơi gơgrong ba nao hlâo ngă tui bruă mă jao amăng djop tơring čar anih pơdong puih kơđông tơhan.

Blan 8/2023, Khua dêh čar ta Phạm Minh Chính mă bruă hăng Grŭp apăn bruă ping gah tơring čar Kon Tum kơ ngă tui bruă pơđĭ kyar bơwih ƀong – mơnuih mơnam. Khua dêh čar ta Phạm Minh Chính bơni tơlơi gir run hăng pơsit yôm bôh tơhnal hmâo mă mơ̆ng Ping gah, gong gai, ling tơhan hăng mơnuih ƀôn sang tơring čar Kon Tum. Pơ̆ anăp anai, Khua dêh čar rơkâo tơring čar Kon Tum khom pơđĭ kyar tañ, kơtang, kơjăp phik hloh dong, khom djă kơjăp bruă pơgang lŏn ia, rơnuk rơnua plơi pla ƀơi kual djuai ania ƀiă dô̆, tơlơi đăo, guai dêh čar hăng ƀu pioh hmâo kah mơ̆ng pơgang, ƀu pioh kơtuă gah bruă pơgang rơnuk rơnua hơđong bruă kơđi čar. Pơdŏng kual pơgang jơlan gum hrŏm bơwih ƀong jar kơmar, tâ̆o klă, ba glăi bôh tơhnal hăng khom pơgang ngă tui gru grua bôh thâo đưm djuai ania.

Khua dêh čar rơkâo ƀơi anăp khom đing nao pel ĕp glăi hơdôm tơhnal ba tơbiă, bruă jao kiăng đing nao git gai črâo ba, ngăn rơnoh ngă tui ba glăi bôh tơhnal, thun dơi khom dlông hloh thun hlâo hăng khom dưi ngă hăng hloh kơ hơdôm tơhnal ba tơbiă.