Anai lĕ thun tal 9 hơdră “Kah pơpha hrŏm ƀing nai pơtô hrăm hră” dưi pơphun djơh hăng anai. Sa amăng hơdôm bruă mă hmư̆ hing hloh amăng hơdră hyu čuă ƀing nai pơtô hrăm hră dŏ pơ kual tơnap tap, ataih mơ̆ng plơi prong jing pơ anih kual mrô I, kual mrô II, mrô III gah plơi pla mơnuih djuai ƀiă hăng čư̆ siăng.

Hơdră “Kah pơpha hrŏm ƀing nai pơtô hrăm hră” yua kơ Anom bruă khul hlăk ai Việt Nam ngă hrŏm Ding jum Pơtô hăng Pơjuăt, Jơnum min djuai ania hăng Group sĭ mơdrô Thiên Long pơphun tal blung a mơ̆ng thun 2015, truh ră anai hơdră anai hơmâo apah bơni pơpŭ kơ 458 čô nai pơtô ba gru hlâo, pơgôp pran jua prong prin amăng bruă pơtô hrăm, djru pơblih tui boh tŭ yua hloh bruă pơtô hrăm, hơmâo tơlơi gir run kjăp pran jua găn rơgao tơlơi lông lăng, kiăng hur har hloh amăng bruă pơtô hrăm, dưi hơmâo lu čơđai sang hră, amĭ ama čơđai sang hră amăng kual plơi pla khăp hăng pơpŭ.