Jơnum Khul čih tơlơi pơhing dưi pơphun ƀrô hơdor glăi 100 thun Hrơi Hră pơhing hơkrŭ Việt Nam lơ 21/6/1925-lơ 21/6/2025. Anai lĕ mông gêh găl kiăng apah bơni pơpŭ kơ tơlơi pơgôp prong, boh tơhnal ngă bruă mơ̆ng ƀing čih tơlơi pơhing, mơ̆ng anun kiăng pơtong rơđah tơlơi gơgrong ba prong kơsung nao hlâo, glăm ba amăng bruă mă ƀing čih tơlơi pơhing, kiăng kơ gơñu pơtrut pran jua hur har hloh amăng bruă mă, kơjăp kiăo tui jơlan hơdră hơmâo ruah, anun lĕ bơwih brơi kơ mơnuih ƀôn sang, djru bruă lŏn ia.

Tơdơi kơ pơphun mông jơnum Khul čih tơlơi pơhing, ba pơdă djop mơta hră pơhing hok mơak biă mă, pơhưč lu mơnuih ƀôn sang hăng ƀing čih tơlơi pơhing ĕp lăng. Biă mă ñu, jơnum pơčrong nao rai lu tơlơi hơmâo sit nik, lir hơbit hơdôm bruă mă đing nao mrô sa mơ̆ng ƀing čih tơlơi pơhing, hơmâo 12 wơ̆t jơnum bơkơtuai nao rai, lu mơta tơlơi mơ̆ khul čih tơlơi pơhing amăng Việt Nam hlăk đing nao hlâo hloh.