Mông jơnum anai yua Ding jum gru grua, bơrơguăt drơi jăn hăng tuai čuă ngui gum hrŏm hăng sa, dua ding jum, gơnong bruă gơnong glông hăng 5 boh tơring čar kual Dap kơdư: hơmâo Kon Tum, Gia Lai, Dak Lak, Dak Nông, Lâm Đồng pơphun. Hăng anăn “Kual Dap kơdư- Anih tum pơƀut anŏ yôm”, amăng 3 hrơi pơphun, dong mơng lơ 29/11 truh lơ 1/12 ƀơi plơi prong Kon Tum hăng hơdôm boh tơring glông amăng tơring čar Kon Tum.

Him lăng nao ngui hrŏm hơmâo giăm 1.000 čô mơnuih kơhnâo kơhnăk, ƀing adôh suang mơ-ak, ƀing pơplông bơrơguăt drơi jăn. Nao ngui hrŏm mơnuih ƀon sang hăng tuai čuă ngui amra mut hrŏm mông atông čing hring hơgor kual Dap kơdư; nao lăng mông pơplông bơrơguăt drơi jăn mơng ƀing tơdăm ngek dra muai mơng djop plơi pla; nao ĕp lăng đang glai hiam, tơlơi hơdip ană plơi pla gah kơdư Kual Dap kơdư Kon Tum hluai tui bruă mut hrŏm hơdôm tour čuă ngui.