Hrơi jơnum ngui abih bang wai pơgang lŏn ia, pơhlôm hơđong brơi sang ia jrao
Thứ năm, 10:35, 17/08/2023
VOV/Siu Đoan Pơblang
VOV/Siu Đoan Pơblang
VOV4.Jarai - Ƀrô tal hơdor glăi 78 thun hrơi gru grua tơhan kông ang Việt Nam (19/8), mơguah tom brơi (16/8), ƀơi Hà Nội, Ding jum kông ang gum hrŏm hăng Ding jum ia jrao hăng sang ia jrao pơjrao čơđai pơphun hrơi jơnum ngui abih bang wai pơgang lŏn ia, pơhlôm hơđong brơi sang ia jrao.
Sang ia jrao pơjrao čơđai lêng kơ hơmâo hơdôm pluh rơbâo čô čơđai hăng mơnuih amăng sang anŏ dŏ đih pơjrao hăng sang ia jrao prong rơhaih 6 ektar. Laih dong, rơbêh 2.000 čô mơnuih apăn bruă, nai ia jrao mut nao rai sang ia jrao rĭm hrơi. Tơlơi anai amra hơmâo lu tơlơi rung răng ƀu hơmâo thâo.
Hlâo anun ƀuh lu wŏt arăng mut nao klĕ dŏp, plư pleč hăng giăm anai hơdôm pluh thun anai hơmâo rơdêh pơgiăng tuai mut nao. Kiăng pơhlôm hơđong, amăng hrơi blan laih rơgao. Sang ia jrao pơjrao čơđai hơmâo kơtưn amăng bruă gum hrŏm hăng kông ang phường Láng Thượng hăng Ngọc Khánh, kuận Đống Đa. Rơngiao kơ bruă jao mơnuih wai lăng, sang ia jrao ăt hơmâo dong 6 čô mơnuih rơgơi bruă wai lăng dŏ mă bruă, črâo brơi bruă pơhlôm hơđong amăng sang ia jrao.
Viết bình luận