Mơguah: Khul apăn bruă Ping gah mă bruă ƀơi Sang jơnum lăng glăi 10 thun ngă tui tơlơi pơsit mrô 15 mơng gơnong glông, lơ 10/6/2012 mơng Jơnum gơnong glông lok 5 tal XI kơ sa, dua hơdră bruă mơnuih mơnam rơwang thun 2012-2020. Ơi Vương Đình Huệ, Ding kơna ding jum kơđi čar, Khua git gai pơ ala mơnuih ƀôn sang dêh čar pơ ala brơi Ding jum kơđi čar git gai mông jơnum.

Yang hrơi tlam: Khul apăn bruă Ping gah mă bruă ƀơi grup pơčrông sai lăng glăi 15 thun ngă tui tơlơi pơtrun mrô 27 mơng gơnong glông, lơ 6/8/2008 mơng Khul apăn bruă Ping gah tal X kơ bruă pơjing mơnuih apăn bruă thâo rơgơi amăng rơnuk pơtrut kơtang tuh tia pơkra pơjing, pơplih phrâo lŏn ia. Tơdơi anun, Ding jum kơđi čar, Khul git gai Ping gah jơnum pơgôp hiăp kơ bruă tŭ mă, lăi glăi hơdôm boh tơhnal gơnong glông hơmâo pơčrông sai.