Jao glăi ring bruă puih kơđông 541 kơ Ƀirô git gai Khul ling tơhan tơring čar Attapư, Lao
Thứ năm, 06:00, 07/12/2023
VOV/Siu H' Prăk pơblang
VOV/Siu H' Prăk pơblang
VOV4.Jarai – Amăng rơwang Jơlan hơdră Bơkơtuai giăng mah Pơgang guai dêh čar Việt Nam – Lao – Kur tal sa, Grŭp hyu mă bruă mơ̆ng Ding jum khul ling tơhan dêh čar Việt Nam yua kơ Thiếu tướng Hoàng Hữu Chiến, Kơ-iăng Khua pơtrun bruă, Khua pơphô bruă ling tơhan Ƀirô pơtrun bruă Ling tơhan pơgang guai dêh čar Việt Nam ngă Khua grŭp hmâo jao glăi laih ring bruă puih kơđông Đại đội pơgang guai dêh čar 541 kơ Ƀirô git gai Khul ling tơhan pơgang guai dêh čar tơring čar Attapư.
Anai lĕ sa amăng hơdôm ring bruă mơ̆ng Ding jum khul ling tơhan dêh čar Việt Nam ƀơk brơi kơ Ding jum khul ling tơhan dêh čar Lao hăng čang rơmang gum hrŏm hăng Khul ling tơhan mơnuih ƀôn sang Lao lăi hrŏm, khul wai lăng, pơgang guai dêh čar mơ̆ng Lao lăi ha jăn pơkra jơlan guai dua bôh dêh čar giăng mah, pơđĭ kyar kơjăp.
Amăng rơwang Jơlan hơdră, Anom bruă khul ling tơhan hmâo gum hrŏm laih hăng Sang ia jrao Khul ling tơhan 87 gah Anom bruă kiăng yua Ding jum Khul ling tơhan dêh čar pơphun pel ĕp, pơjrao tơlơi ruă, pha brơi đôč ia jrao kơ năng ai ñu 700 čô mơnuih ƀôn sang ƀơi tơring glông Phu Vông hăng tơring glông Xản Xây, tơring čar Attapư./.
Viết bình luận