Jao grač pơpŭ “Hlăk ai khin hơtai” brơi čơđai hrăm anih 5 ƀơi Gia Lai
Thứ tư, 10:17, 04/10/2023
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Tlam tom brơi (3/10), pơ ala brơi khua khul hlăk ai Cộng sản Hồ Chí Minh. Khul hlăk ai tơring čar Gia Lai hơmâo jao grač pơpŭ “hlăk ai khin hơtai” brơi amon Rčom Ư (čơđai hrăm anih 5G, sang hră gưl sa Nghĩa Hưng, tơring glông Chư Pah) yua ñu khin hơtai mă 3 čô čơđai pơkŏn ia ƀlung.
Hlâo anun, yang hrơi dong lơ 9/9, amon Rčom Ư hrŏm hăng adơi ñu lĕ Rčom Chuân (tơkeng thun 2015) hăng 3 čô gơyut gơyâo pơkŏn anăn Chúc (thun tơkeng 2013), Vâng (2012) hăng H’Lia (2015) nao mơnơi ƀơi dơnao ia jăm plơi Bui (să Nghĩa Hưng). Yua uh pơ-iă, anun 3 čô čơđai anun lĕ Rčom Chuân, Chúc hăng H’lia trun mơnơi.
Lơm glăk mơnơi ƀuh 3 čô gơyut ñu ia ƀlung. Amon Rơčom Ư dâo nao dui nao pơ hang Chúc, H’Lia hăng Chuân. 3 čô čơđai lơm dui nao pơ hang lêng kơ glêh ƀu anăm suă pran, samơ̆ lơm ba nao pơjrao, amon H’Lia hăng Ư plai ƀiă yơh. Bơ amon Rčom Chuân, adơi Rčom Ư ƀu dưi dong tah jing rơngiă yơh. Tơdơi kơ thâo pran khin hơtai mơng amon Rčom Ư, Khul hlăk ai Cộng sản Hồ Chí Minh hơmâo jao brơi grač pơpŭ “Hlăk ai khin hơtai” brơi kơ ñu.
Viết bình luận