Ƀrô tal hơdor glăi 105 thun ngă hơkrŭ blan 10 hing ang dêh čar Nga (7/11/1917 - 7/11/2022), ngă tui tơlơi pơtrun mơng Khul apăn bruă Ping gah hơdôm anom bruă gơnong glông, tlam lơ 7/11, Ping gah anom bruă Khua mir sir pơphun yôm phăn mông jao miđai 40 thun mut Ping gah brơi kơ ơi Nguyễn Xuân Phúc, Ding kơna Ding jum kơđi čar, Khua mir sir dêh čar Việt Nam.

Đĭ pơhiăp amăng mông jao miđai, Ding kơna Khul apăn bruă Ping gah dêh čar ơi Võ Văn Thưởng pơsit tong, ơi Nguyễn Xuân Phúc hơmâo ngă hăng glăi hrŏm hăng Khul apăn bruă Ping gah, Ding jum kơđi čar git gai Ping gah, mơnuih ƀon sang hăng khul ling tơhan găn rơgao tơnap tap, tơlơi lông, ba glăi lu tơlơi dưi prong prin, hăng hơdôm tơlơi pơđŏm glăi yôm phă, pơjing Ping gah jai hrơi mă bruă tơpă sit, kjăp phik. Ơi Võ Văn Thưởng pơpŭ hăng pơdah pran jua čang rơmang Khua mir sir ơi Nguyễn Xuân Phúc amra tŏ tui gum pơgôp lu dong bruă mă mơng Ping gah, Kơnuk kơna hăng mơnuih ƀon sang.