Tơdơi kơ sa thun pok pơhai mơ̆ng lơ 1/9/2022 truh lơ 30/9/2023 Khul pơphun čom puang tŭ mă 170 mơta tơlơi pơhing čih tui 4 mơta tơlơi pơhing: hră pơhing in, hră pơhing điện tử, pơdah rup tivi hăng pôr jua pơhiăp, đĭ tui 42 mơta tơlơi čih pơkă hăng thun hlâo. Tui hăng anŏ pơtong glăi mơ̆ng khul čom puang, lu tơlơi čih thun anai hơmâo tuh pơ alin, hyu hơduah ĕp tơlơi pơhing tong ten hloh, pơphun hăng lu hơdră, hơmâo tơlơi pơhưč pran jua, bang bơngač prong hloh laih anun ba glăi boh tŭ yua pôr tơlơi pơhing prong hloh, ră ruai tơlơi pơhing hơmâo sit nik amăng bruă mă akŏ pơdong ping gah amăng tơring čar Dak Lak.

Khul čom puang jao 1 pri A, 3 pri B, 6 pri C 10 pri pơsur pran jua kơ khul čih pơhing, pô čih tơlơi pơhing rơgơi. Laih dơ̆ng, ruah mă 22 mơta tơlơi pơhing rơgơi tŭ yua hloh ba mơ-it nao tal pơplông gưl dêh čar mă pri anăn Tơmut mơnek mah dêh čar tal VIII thun 2023.