Ječ ameč git gai jao gơnam tam djơ̆ mơnuih kual ia ling dăo
Thứ sáu, 14:30, 28/11/2025
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Ră anai, ƀơi hơdôm kual ia ling dăo Dơnung tong krah, bruă djru mơnuih ƀôn sang glăk pơphun ječ ameč. Lu khul grup djru mơnuih hơmâo bruă ngă lăp djơ̆, gong gai ƀon lan ăt ngă tui pran gơgrong git gai gum hrŏm, pơhlôm djru brơi hmao tlôn, djơ̆ mơnuih.
Ƀơi Khánh Hòa, lu ƀon lan kual čư̆ siăng ăt dŏ guang dar. Gong gai hơdôm boh să hơmâo pơkiăo nao mơnuih djru brơi grup djru mơnuih lơm pơdŭ pơgiăng nao gơnam, sit biă ñu lĕ găn nao hơdôm anih lŏn tơhroh, tơdrong tua hŭi rơhyưt. Lơm rơdêh nao truh pơ să, tơhan amăng plơi pla, ƀing hlăk ai hăng mơnuih ƀôn sang nao gui gơnam ba nao hơdôm boh plơi pla guang dar.
Tơring čar Khánh Hòa hơmâo lăi pơthâo 48 tŭ mă gơnam git gai gum hrŏm djru brơi să. Hơdôm grup djru mơnuih hơmâo rơkâo lăi pơthâo hlâo kiăng kơ thâo, gum hrŏm ba hyu gơnam djru. Hơdôm anom bruă bơdjơ̆ nao ăt pơhŭi mơnuih ƀôn sang hăng hơdôm grup djru mơnuih kiăng răng kơđiăng hăng hơdôm tơlơi iâu pơthưr ƀu tong ten, anăm brơi ƀing ngă sat hluai tui bruă anai hưp ƀong.
Viết bình luận