Nao ngui hrŏm neh met wa djuai ania Jeh-Triêng ƀơi plơi Nông Kon lăi phara hăng să Đăk Dục hnun mơn, lu mơnuih dưi lăng arăng adôh suang, atông čing hơgor; pơplông klon ƀañ tek; pel ĕp, lăi pơthâo Tết tui phiăn juăt mơng djuai ania; ngui hrŏm amăng mơmŏt mlăm…

Ƀrô tal anai hăng tơlơi git gai ngui ngor, anom bruă git gai ling tơhan wai pơgang guai tơring čar Kon Tum pơphun hrơi đĭ dŏ sang phrâo hăng jao glăi sang drông kơ plơi Nông Kon. Sang drông plơi Nông Kon hơmâo pơkra ming tui sang hơđăp mơng djuai ania Jeh-Triêng, abih tih prăk tuh pơ alin giăm 145 klăk prăk.

Amăng jơlan hơdră “Bơyan bơnga giăm guai pơđao pran jua ană plơi pla”, anom bruă git gai ling tơhan wai pơgang guai tơring čar Kon Tum gum hrŏm hăng hơdôm anom bruă jao 600 hla kơ brơi mơnuih ƀôn sang să giăm guai Đăk Dục; jao sa boh sang gum pơgôp nua ñu 50 klăk prăk, 30 anung gơnam brơi sang anŏ kơnuk kơna rông ba, sang anŏ ƀun rin; jao hră pơpŭ, gơnam mơng anom bruă git gai tơhan wai pơgang guai brơi 10 čô čơđai tui akŏ bruă “Čung čơđai nao sang hră” anai lĕ ƀing čơđai hrăm hră rơgơi.